買禮券教學

專題: 點樣買到平禮券/現金卷先有折?


平時大家結婚擺酒,或者有大宗消費,都可能需要用到餅卡/禮券/現金券。今次就等我地一齊研究下點樣可以便宜咁入手禮券啦。

通常有幾個方法,之後我地會逐一介紹。
  1. 直接向商戶買
  2. 去教協/工聯會買
  3. 用員工價買
  4. 靠朋友
  5. 去婚禮展買
  6. 用信用卡買
  7. 用信用卡積分換
  8. 同人收購

1.  直接向商戶買
買餅卡禮券,最直接緊係同商戶買,方便、簡單、直接,不過往往都係正價。
如果你想大手入貨(講緊幾萬幾萬咁買),你可以試下直接問商戶的客戶服務部,買滿指定金額,可能有折扣。
一般人就要捕實商店優惠啦,例如太興每年九月或十月都會做個禮券推廣,有心買可以留意下的。
有的商戶買禮券仲可以碌卡,慳得一蚊得一蚊 =)

2. 去教協/工聯會買
有的工會都有提供會員優惠買禮券,最出名一定係教協同工聯會,餅卡八折左右,唔係最平(~七五折),不過勝在長期優惠。
教協: 有售 美心、聖安娜、東海堂、奇華、恆香、鴻福堂、鴻星、Haagen-Dazs、 榮華
工聯會: 有售 美心、榮華
其他工會有時都會有的限定優惠,可以留意下。
[adinserter block=」1″]
3. 用員工價買
賺街外人錢不如賺自己人錢。好多機構都會俾員工優惠,例如美心員工可以~75折買餅卡、百佳員工可以九折購物(包括禮券),留意通常都有一定的限額同要求。

4.靠朋友
綜合2,3 應該冇乜邊個有哂咁多身份,碌下人情卡,問朋友都係一個選擇。

5.去婚禮展買
婚展差唔多個個月都有 (因為個個月都有人結婚?),餅卡最低可以去到75折, Haagen-Dazs 8折

6.用信用卡買
有時有的信用卡推廣冇限定唔俾買現金卷,咁你就可以用自己的方式買券。撞啱有推廣,豐澤、百老匯用呢個方法可以92-95折買卷。

如果冇信用卡推廣,開新卡食迎新都係一個辦法。不過注意申請太多信用卡可能影響信貸評級同做按揭。

7.用信用卡積分換
如果你好多信用卡積分,可以用信用卡積分換禮券,通常每250積分可以換到價值$1的禮券。配合唔同的信用卡推廣,你可以賺得更多=)
有時,唔同銀行又會有d信用卡做限定推廣,例如恆生會有每月精選

8.同人收購
有睇開呢個blog的朋友都會知呢度有收券價參考。有收自然有賣,收卷佬都會賣卷的,當然佢地要賺差價啦。
hongkongcard, babykingdom, dcfever , yahoo auction都可以找到放卷的朋友。
老實講經人買卷未必最平,不過約賣家交收可以唔使走來走去。

留言

此網誌的熱門文章

最佳信用卡組合 (主攻現金回贈)